What goes around comes around!

Sumarið er komið ;D

Thu, 23 Apr 2009 12:27:01 GMT

Það frusu saman vetur og sumar í nótt, sem þýðir að þetta verður gott sumar, að sögn hjátrúarinnar. Dugar mér. Trén í bakgarðinum eru farin að bruma og keppast um að verða sem grænust. Hægt er að standa utanhúss á kvöldin og spjalla, án þess að skjálfa á beinunum eða vera að flýta sér eitthvað inn.

Ég elska sumarið!

Þetta hefur verið óvenjubissí vika enn sem komið er og mikið skemmtilegt að gera.

Það er ekkert að marka þessa dagana með útlandaferðir mínar. Portúgal datt upp fyrir sig vegna ökklameiðsla og trygginarnar sáu um það dæmi sem betur fer. Samdægurs og ég afpantaði þá ferð, fæ ég símtal og slæ á Madeira ferð með félögunum í frjálsum og var keypt ferð eftir bikarinn í haust, sem er síðasta mótið. Planið var að fara eftir langt og gott keppnistímabil og slaka á, á ströndinni. Það breyttist svo líka... bara í fyrradag hætti ferðaskrifstofan við ferðina, án útskýringa, þannig að við erum á upphafsreit aftur.

En það er allt í lagi, þá kemur bara annað tækifæri á að velja enn betri og meira spennandi ferð. Best að vera ekkert með fleiri yfirlýsingar í bili, en Rimini lýtur vel út fyrir okkur. Ég stend áfram við það markmið að halda áfram að ferðast eftir þessa ferð, og halda áfram um Evrópu og undir botn Miðjarðarhafsins.

Ég æfi áfram á fullu þessa dagana. Ökklarnir eru þreyttir samt og spara ég hoppin og höggin á þá, en átti tvær mjög góðar stökkæfingar í gær og á mánudag sem er frábær breyting frá undanförnum æfingum, þetta er að koma allt saman! Það er max-vika í lyftingum sem er alltaf stemning og hef ég í vikunni lyft Bekkpressu 112kg og Clean í gólf 105kg. Bæði PB þar. Alltaf gaman af því ;D

M/P komu heim frá Tene í gær, ég fékk ekki einu sinni hringingu frá þeim, þær 2 vikur meðan þau voru úti, þau fara orðið svo oft út 8|

Gleðilegt sumar, nýtum og njótum vel !

Whadda??

Fri, 13 Mar 2009 11:43:08 GMT

Þá er það ákveðið, Portúgal skal það vera og farið verður út þann 5.apríl. Mér er bara farið að hlakka til að fara út í sólina og æfa í blíðunni.

Og enn af ferðalögum, þá hefur stefnan í hausnum á mér verið á S-Austur Evrópu í haust og langar mér mikið að sjá Grikkland/Tyrkland og Ísrael. Smá bollaleggingar eru komnar í gang með það og vonandi ganga hlutirnir upp með það.

Ég hef verið svoddan ófélagslegur innipúki undanfarnar helgar, það var auðvitað keppnistímabil með tilheyrandi keppnum báða helgardagana, síðan verið bara þreyttur eftir æfingar og lítið látið í mér heyra eða sjá. En mér sýnist breyting verða á, þessa helgi, allt flæðir í einhverjum ammælispartýum og var ég að pæla í að kíkja í tvenn. Síðan fylli ég ár á mánudaginn, en ég er svosem ekkert að springa úr áhuga á því, hélt þetta fína teiti í fyrra en mér finnst nú lítið tilefni að halda uppá þrjátíu...og...eitthvað afmæli :-/

Svona út í annað, þá er ég furðu lostinn með öll þessi innlit inn á þessa síðu, í gærkvöldi slefaði innlit upp í 150 en engin fótspor skilin eftir. Hey, þegar ég kíki heim til ykkar í heimsókn, þá segi ég allavega hæ áður en ég loka á eftir mér... :)

Love.

G-Funk

Í eyjum

Mon, 23 Feb 2009 15:48:37 GMT

Skellti mér til eyja í gær með stuttum fyrirvara. Fínn tími til að kíkja á familiuna. Innanhússtímabilið endaði um helgina og tekur nú við alvöru æfingar aftur fyrir sumarið. Búinn að hlakka til að getað tekið aftur á því á æfingum, en venjan er sú að halda sér ferskum og nettum yfir keppnistímabilið.

Bikarkeppni Frjálsíþróttasambandsins varð bara enn skemmtilegri en ég hafði vonast til. Við blikar vorum með aðeins vængbrotnara lið en áður þar sem óeðlilega margir hlauparar eru meiddir eða þá í skóla í útlöndum þetta árið. Samt sem áður þá vorum við að krækja í fullt af baráttustigum þar sem naumt var á milli keppenda og margir í liðinu að gera þetta "extra" sem getur skorið á milli keppenda. Enduðum í 3 sæti á eftir FH og ÍR. Tókum Fjölni/Ármann með aðeins hálfu stigi sem gerir bronsið auðvitað sætara en hunang ;) Við strákarnir urðum í 2 sæti á eftir sterku liði FH.

Ég er mjög sáttur við þetta sem og minn hlut. Ég stökk 4.20m í stönginni aðra helgina í röð og tryggði annað sætið þar eftir mjög jafna og skemmtilega keppni. Norðurlandsliðið með Bjarka í fararbroddi tók mig þar, en það kemur að því að ég flengi Bjarka á einhverju mótinu:o Ég hljóp einnig 60m grindahlaup fyrir liðið og bætti árangur minn þar eftir crazy keppni þar sem grindur brotnuðu hægri vinstri.

Ég stefni á Portúgal um páskana í 10 daga æfingaferð með Þóreyju og 2 stökkvurum í hópnum sem ég æfi með, þannig að góðir tímar eru framundan og er málið að koma sér í enn betra form fyrir skemmtilegt keppnissumar. Landsmót er á Akureyri í sumar og er málið að toppa þar.

Chow.

Gaui

M.Í í 7-þraut í gangi

Sat, 14 Feb 2009 23:40:29 GMT

Er að keppa þessa helgina. Sjá:

http://blikar.bloggar.is/blogg/426209/Urslit_af_fyrri_degi_MI_i_fjolthraut

kv.Gaui

Sól sól sól

Mon, 09 Feb 2009 10:56:44 GMT

Sælt veri fólkið.

Keppti á Meistaramóti Íslands í frjálsum um helgina og hef svo sem engar sérstakar fréttir að færa af sjálfum mér frá þeirri helgi. PB í stönginni lætur bíða eftir sér, en það hlýtur að fara að skila sér í hús. Stökk af gamni mínu langstökk líka og það var bara stemmari, komst í úrslit þar. Næsta helgi er M.Í í sjöþraut og er ég að gæla við að vera þar á meðal keppanda í góðum fíling. Keppt laugar- og sunnudag.

Annars er ég orðinn hundleiður á þessum skítakulda og langar í sólina. Best að hringja í M/P á eftir og pressa á þau að fleygja okkur til Kanarí eftir innanhúss keppnistímabilið. Er alveg búinn að sjá þetta fyrir mér; Vakna á morgnana, morgunverðarhlaðborð... út á sundlaugarbakkann að tana smá. Fara í ræktina í siestunni, borða og leggja sig. Aftur út og skoða mannlífið seinnipartinn og svo aftur hlaðborð í kvöldmat. SHITTTT hvað þetta er málið! -verður að gerast.

Kveðja til þín.

Gaui

Post christmas

Wed, 07 Jan 2009 16:41:13 GMT

Jólahátíðin er afstaðin og rann í gegn eins og pizza á færibandi gegnum ofninn.. með smávegis brunabletti hér og þar og aðeins of miklu kjötáleggi !!!

Að sjálfsögðu var yndislegt að hitta familiuna alla samankomna, þá tók það samt soldið á, að sofa í pökkuðu húsi af fólki. Ég er bara dottinn úr formi fyrir svona áreitagjörning að það er bara nokkuð þægileg tilfinning að koma aftur "heim" í rólegheitin og stressleysið í Reykjavík ;)

Að venju var ýmislegt brallað í eyjum og áttum við pottþétt flottustu flugeldasýninguna í eyjum þetta árið. Pabbi hafði hent 100þúsund kalli í hjálparsveitirnar í eyjum og þeir komu á Illugagötu 7 á gamlársdag, vopnaðir allskyns tertum að halda mætti brúðkaup! Laust eftir skaupið fengum við feðgarnir snilldarhugmynd.. við hentum þeim öllum uppá pallbílinn hans pabba, tengdum allar terturnar saman og biðum átekta eftir að skotbrjálæðið á Illugagötunni hjaðnaði. Illugagatan er þekkt í eyjum sem mesta skoteldavígið og menn og konur missa sig í sprengjubrjálæði á gamlárskvöld. Mikill metingur er á milli húsa um flottustu sýninguna og við ákváðum að taka þátt í þeirri keppni svo um munaði! Á réttum tímapunkti kveiktum við á 3 blysum, ég, pabbi og Björgvin, kveiktum á öllum tertunum í einu og í framhaldinu keyrir Árni Óli sallarólegur upp Illugagötuna á bílnum. Þvílíka snilldin hefur ekki sést í manna minnum í götunni og einn útgerðargreifinn slefaði úr sér orðunum "af hverju datt okkur ÞETTA aldrei í hug.." Svo var tekið í gítar og tekið "Kóngur einn dag" heima hjá Bedda, klassískt.

Eftir þetta var stoppað stutt hjá M/P neðar í götunni og erum við að gera okkur reiðubúin að tölta yfir til Árna Óla bróður þegar hlægileg atburðarás fer af stað... Einn maður var í gistingu á gistiheimilinu hjá mömmu yfir gamlársdag og mjög sérstakur gestur þar á ferð. Ég hef oft farið til USA og svosem séð ýmislegt í gegnum dagana, en þessi maður var hreint út sagt AKfeitur, ALVEEEEEG! Ekki svona þónokkur kíló eða tugir kílóa að það væri góður tímapunktur akkúrat þarna að strengja áramótaheit feitur, heldur svona feitur, að það er eiginlega spurning í hvaða átt hann er að labba :$ Ekki spurja mig hvað hann var að gera einn þennan dag, en akkúrat þegar við erum að fara, þá kemur hann upp og er að spurja okkur hvort það sé ekki ball eða eitthvað í kvöld. Við segjum honum að það sé ball í höllinni og hann verður eitthvað áhugasamur og spyr ekki hvort hann megi ekki bara vera samferða okkur. Ég tek eftir svipbrigðunum í andliti ÁrnaÓla og er við það að missa mig af hlátri. Árni Óli svarar að við erum að fara niður í bæ fyrst sem var auðvitað sannleikurinn, hann býr þar, en eftir smá umhugsun, þá ákeðum við að bjóða honum bara með okkur í partýið hjá Árna Óla. Við ætluðum í singstar og held ég að allir í hópnum hefðu verið tilbúnir til þess að greiða góða peningasummu fyrir að sjá þennan nagla taka Meat Loaf, í singstar.

Hann fer að ná í jakkann sinn, og rigningin beljar á okkur úti, hann kemur upp, en fer aftur niður, þurfti að fara aðeins á klósettið. Við bíðum.. en fólkið gefst upp á því og við röltum rólega af stað. Gæinn hvergi sjáanlegur. Árni Óli býr 5 mínútum frá mömmu og þegar við stígum inn fyrir dyrakarminn, heyrðu, kemur ekki gæinn, strunsandi fram hjá húsinu, lafmóður. Björgvin kallar á hann og hann kemur inn. Védís, kærasta Árna Óla hafði verið með gesti áður en við komum og núna í framhaldinu fer partýið í algert uppnám! Næsti klukkutími fer eiginlega bara í allsherjar drama... vegna mr. Chubby. Úfff... hann settist í húsbóndastólinn í stofunni, alveg greinilega allt of feitur fyrir þann stól, lazy boy leðurstól sem þau höfðu nýlega keypt! og Védís sýnilega ekki sátt við stöðu mála. Meðan við erum eitthvað á spjalli frammi þá stynur gæinn víst út úr sér orðunum "hva eru þið ekki með einhverja klámmynd hérna..." og fólk var alveg orðið hrætt eiginlega. Í framhaldinu fer hann að tala um tælenskar hórur og hvernig hann fór til tælands til að ná sér í konu, að það væri ástin og eitthvað rugl við Árna Óla. (En svona til að spica þetta aðeins upp, þá má geta þess að Védís er hálf tælensk, hvort sem að hann vissi það eða ekki) Ég er alveg viss um að Árni Óli, þrátt fyrir gott geð hans, hefði með glöðu viljað sparkað honum úr húsinu, en hvernig er hægt að stjaka við svona bolta? Heyrðu, það er ákveðið að plata hann með í annað partý. Endaði þetta þannig að Árni Óli tók hann með sér til Bigga Magg, þar sem þessi nýja hetja okkar var látinn taka lagið "I would do anything for love" með Meat Loaf, við mikinn fögnuð partýgesta... svo laumaði Árni Óli sér út....

hahahahahah.... Biggi sat uppi með óþekktan gest þetta kvöldið og heyrðum við síðar að hann hafi neitað að fara úr partýinu í klukkutíma! - þvílíka fjörið!

Birna tók fyrstu önnina sína í lyfjafræði í Háskóla Íslands með trompi og stóð sig ótrúlega vel með meðaleinkunn upp á 9.5

Þegar kemur að námi, hvort sem að lyfjafræðin verður framtíðarval hennar eða eitthvað annað, þá fæ ég ekki alveg séð hvað mun standa í vegi hennar.

En núna fer fram vinnsla að koma öllu í góðu rútínuna, sem samanstendur af æfingum og keppni, hollu mataræði (ekki steikum og kökum til skiptis) góðum svefnvenjum (sem fóru íllilega út um gluggann um jólin) nuddi og þjálfun hjá Breiðablik og auðvitað nauðsynlegri afslöppun þess á milli.

Lífið er gott.

Íbúð til sölu

Tue, 02 Dec 2008 00:37:57 GMT

Hæbb!

Allt gott er í fréttum frá mér og Gaui hefur það fínt!

Það styttist í Jól í eyjum 2008 og er sá gjörningur alltaf að verða meira og meira djúsí pakki. Karen sys og co verða flutt til eyja, þannig að það verður fjölmenni um jólin. Áramótin verða ekki síðri því Valdi bróðir múttu og allir fjölskyldumeðlimirnir þar á bæ koma líka, frændsystkyni mín, Gunnar, Bjöggi, Berglind og Eyþór, svo kemur Lilja Kristín systir líka og Jenna systir pabba & co. Illugagata 7 verður því pökkuð og þokkalega hægt að gera fínt áramótapartý úr þessu gengi.

Æfingarnar ganga svona svona, það sem hefur verið bitbeinið undanfarið hjá mér eru tækniæfingarnar, en í stangarstökki er soldið erfitt að kenna gömlum hundi á nýjar leiðbeiningar. Sérstaklega þegar þjálfarinn er metnaðarfullur og lætur mann heyra það þegar maður gerir sömu villurnar aftur og aftur og aftur.. ;) En þannig á það bara að vera, þetta er í fyrsta skiptið á fullorðinsferlinum að ég sé með þjálfara yfir mér og er það ný áskorun. Nú skil ég betur krakkana sem ég hef verið að þjálfa undanfarin ár, þegar þau pirrast ef hlutirnir eru ekki að ganga upp hjá þeim..hahah.

Stöngin er bara þannig, að ef maður hefur tileinkað sér ákveðna tækni, þá þarf heldur betur að panta aukaskammt af þolinmæði ef á að komast í gegnum tæknibreytingar. Ég hef fundið fyrir því undanfarnar vikur. En þetta þokast. lullandi, í réttan farveg og loksins í dag fann ég áþreyfanlegar framfarir, þótt enn sé töluvert í land. En aftur á móti er ég orðinn sterkari en áður og aðeins hraðari. Er í bætingum í lyftingum þessa dagana bæði í réttstöðulyftu og Clean í gólf þanni að það eru ýmsir ljósir punktar í þessu.

Það kemur allt of oft fyrir að ég er allt of lengi á æfingum, vanalega 3-4 tíma með öllu. En þetta er gaman og kannski er ég bara að vinna upp sportþurrkinn undanfarin ár. Ég er þannig gerður, að mér finnst ég ekki hafa gert rassgat á æfingu ef ég hef ekki tekið vel á því, fengið að svitna í lufsur og séð einhverjar tölur.

Þannig að tækniæfingar, þar sem reynir meira á hausinn, að gera hlutina rétt, flækjast meira fyrir mér heldur en hardcore lyftingar þar sem ég get tjúnað rokkið í druslur og öskrað á lóðin, slappað síðan af í pottinum og gengið svo hress út, vitandi það að ég er dauðuppgefinn eftir góða æfingu.

Ég er að freista þess að selja íbúðina mína á Skúlagötunni, þar sem ég bý núna. Ekki miklar hreyfingar eru þessa dagana í sölumálum eins og gefur að skilja, en ég er jafnvel að skoða þann möguleika, að skipta á íbúð í eyjum. Það væri líklegri möguleiki eins og staðan er í dag. Þannig að: Íbúð til sölu, sjá hér: http://mbl.is/mm/fasteignir/fasteign/index.html?eign=328986

Ekki það, að ég sé á leið til eyja. Ég er að æfa hér í bænum og hef ekki aðstöðu til framfara í eyjum, þannig að það er sjálfrætt mál að ég verði áfram í bænum.

Hef það líka bara svona ágætt hérna í kreppuvíkinni.

Vonast til að sjá sem flesta í eyjum í jólafríinu. Allir að bjóða mér í heimsókn eða teiti!

Prump á dag...

Thu, 20 Nov 2008 15:02:42 GMT

..kemur skapinu í lag!

Í morgun fór ég á hið mánaðarlega.

Staðurinn var ÍSÍ húsið og maðurinn var Pétur kírópraktor. Hann hnykkti á mér bakið eins og lærður, sem hann auðvitað er! Ég var ekkert slæmur í þetta skiptið en gott að losa um stoðina fyrst maður er að taka á því í æfingum. Það flotta gerðist í lokin. Þá lá ég á vinstri hlið og Pétur gerir sér reiðubúinn til að hnykkja mér til, þá verður mér mál að prumpa en þar sem þetta var síðasta hnykkið, ákveð ég í kurteisi minni að halda í mér í mínútu eða svo.

Heyrðu..! svo hnykkir hann mig með látum og fékk þessa líka kröftugu óvæntu bakrödd, svo ómaði í salnum ;) Sannur aftansöngur þar á ferð!

Prump verður seint úrelt eða jafnvel aldrei, eins og hefur sannast með fjölskyldu minni. Prump er stórlega vanmetið fyrirbrigði sem ber að hafa í hávegum, til þess að njóta og notast til skemmtunar, við öll tækifæri. Sannur, ókeypis gleðigjafi þar á ferð og ekki veitir af þessa dagana. Meira svona!

Ég skellti íbúðinni minni á sölu í vikunni, ég ætla að sjá hvort eitthvað verði tilboðið í hana. Það er því miður ekkert allt of spennandi tilhugsunin að eiga fasteign á höfuðborgarsvæðinu næstu misserin, stigvaxandi verðbólga og yndislegheit. Vonandi gengur þetta upp og ég geti leigt mér húsnæði. Svo er framtíðin hvort eð er óskrifað blað og þægilegra er að getað stokkið á það sem hugurinn girnist, vera ekki þræll eigna sinna, ekki satt?

Ég skellti jólaskrautinu upp í dag. Já, skítt með 1.desember. Það er nógu mikið myrkur þessa dagana að ekki veitir af smá auka ljósi í tilveruna. Svo auðvitað styttist í blessuð jólin og hlakkar mig orðið til að fara til eyja. Það er alltaf yndis að komast í heimahagana og bara njóta lífsins burt frá stressi og speedy gonzales höfuðborgarhraðanum. Bara æfingar, heimsóknir, borða og sofa.

Jú og bralla í stúdeoinu með Skidda bróðir. Erum komnir með skemmtilega hugmynd sem við ætlum að leika okkur með um jólin í stúdeoinu. Svo verða Karen systir og co líka komin til eyja, þannig að stórhætta er á góðum fjölskyldujólum þetta árið.

Blikar! - Það er Nudd-brunch hjá mér á sunnudaginn kl 12 !

Sem þýðir að ég baka eitthvað sjúkt og allir mæta með eitthvað gourme með sér. Við troðum okkur út, svo inn í stofu í spjall/ wii á skjávarpanum og þeir sem vilja geta skellt sér í nudd hjá mér. Djúsí dagskrá fyrir dífur og nautnaseggi!

Bið að heilsa og endilega notið hvert tækifæri fyrir gott prump!

-Þú gætir verið að missa af ómældri gleði.

Gaui

Er eitthvað jákvætt við Kreppu?

Wed, 29 Oct 2008 16:51:02 GMT

Sæl verið þið öll!

Best að blogga smá fyrir þá dyggu lesendur þessarar volnuðu síðu, því ótalmarkt er að frétta og ekki nær maður nú alltaf að vera í góðu sambandi við alla sem maður þekkir.

Ég er alltaf að hitta einhvern og í leiðinni gerandi sér grein fyrir því hversu langt er síðan maður hefur hitt viðkomandi, þá kanski liðnir margir mánuðir eða jafnvel ár. Ekkert planað, oft verður þetta bara svona hjá manni.

Allt er eitthvað í endurskoðun þessa dagana vegna hinnar svokölluðu kreppu. Ég hef ekkert misst mig í hinu margrómaða "góðæri" síðustu ára eða þanið út lífsmynstur mitt, en það er ekkert spurt að því, allir landsmenn taka skellinn. Maður getur orðið svo reiður þegar maður hugsar út í þetta og skil ég vel þá fjölmörgu sem hafa þörf á að losa um reiði sína á einhvern hátt.

Það er kanski erfitt að benda í eina átt, hver sé sökudólgurinn, en mér finnst vera kominn tími til að fólk taki ábyrgð á ástandinu sem orðið er. Ekkert gerist af sjálfsdáðum, td. þá verður engum nauðgað af sjálfsdáðum, ef ég má líkja þessu saman. Það er alltaf gerandi og það er alltaf einhver sem ber ábyrgð! Áður en farið er að byggja upp aftur, þá þarf að gera upp fortíðina og læra af henni. Síðan ber að víkja af þeim vegi og halda nýjan veg til framtíðar. Það er óþolandi ástand að gæjar í fínum jakkafötum á svimandi ofurlaunum skuli geta skorist undan ábyrgð. Þeir réttlæta laun sín af þeirri ábyrgð sem þeir bera, ef vel gengur þá hækka launin, en þegar lætur undan, þá kannast enginn við ábyrgð lengur!

Ég gæti ausið úr skálum mínum vegna þessa ástands, en á hinn bóginn, er hægt að sjá jákvæða hluti, þrátt fyrir að fjöldi fólks geldur fyrir ástandið!

T.d. er ekki kominn tími til þess að hugarfar okkar Íslendina breytist ? Þá meina ég, fólk skiptir um eldhúsinnréttingu vegna þess að tískuliturinn hefur breyst !!! Parketið er rifið, vegna þess eins, að Frikki Weiss sagði að það sé "out" í dag. Margir keyptu Range Rover, nánast aðeins vegna verðmiðans! osfrv. Við vitum ekki lengur hvernig á að fara með peninga, svo þegar kreppir að stóra leðurveskinu (ekki smábuddunni) þá orgum við eins og frekir smákrakkar. Við hvað miðum við okkar lífskjör ???

Ég er nokkuð viss um það að uþb 3-4 milljarðar manna, kvenna og barnaút um víða verörld myndu veeeeel sætta sig við þau lífskjör sem við búum við, þrátt fyrir kreppu!

Við höfum og munum hafa mat til að borða, við erum með um 50% offitustöðul á landinu, og ef við minnumst þess, þá er offita merki um ofát á mat...

Allir eiga sér húsaskjól. Aðeins rónar og þeir sem hafa brennt allar brýr að baki sér hafa ekki í húsaskjól í að vernda! Og ef einhver hefur ekki efni á því að borga afborgun af íbúðinni sinni, hvernig væri þá að minnka staðalinn á sjálfum sér til að mæta ástandinu? Leygja út aukaherbergi í íbúðinni eða leigja saman, ýmislegt er hægt að gera til að lækka útgjöld.

Ég skil það að sumar fjölskyldur td með börn geta ekki endilega stokkið til, eins og aðrir, en ég trúi því að alltaf sé hægt að skera niður þægindi til þess að ná endum saman!

Við erum held ég bara góðu vön og kunnum ekki að sætta okkur við skert kjör. Þess vegna vælum við, eins og smákrakkar þegar við fáum ekki allt sem við viljum.

Ég vorkenni þeim sem hafa lent í skuldafeni vegna kreppunnar, ég myndi ekki óska erkióvini mínum (ef ég hefði nokkurn) að hafa skuldir hangandi um hálsinn, en horfum á björtu hliðarnar.. þetta gæti verið verra, ekki satt.

Brosum og minnumst þess um hvað lífið snýst, sannarlega snýst það ekki um veraldlegar eignir, Jeppa, hlutabréf, sjóðsbækur og peninga, heldur snýst það um að vera á lífi, vera lifandi og njóta líðandi stundar!

..Og mér sýnist bara fullt af fólki hafa lifnað við síðustu misserin... oft þarf skell til að fólk vakni upp.

Love.

Gaui

Sverige í nóvember

Sun, 21 Sep 2008 15:57:27 GMT

Sælt veri fólkið.

Hef lengi langað að taka þátt í einhverju ögrandi móti eins og þrekmeistaranum, það lítur út fyrir að það muni ganga upp í ár. Ég hef smalað með mér strákum úr Breiðablik til þess að taka þátt í liðakeppni Íslandsmeistaramóts í þrekmeistaranum 2008 og býst ég við miklu stuði. www.fitness.is/þrekmeistarinn

Eftir það hoppa ég til norðurlandanna, byrja á Gautaborg, Svíþjóð til að æfa stöng hjá mjög færum þjálfara, vonandi nær hann að taka mig vel í gegn í tækninni. Ætla líka að kíkja á pysjurnar í Falun, Svíþjóð, 3 unglinga sem ég hef m.a.verið að þjálfa undanfarin ár. Falun er bærinn sem ég bjó í, þegar ég var 18-19 ára gamall. Svo er endalausar heimsóknir fyrst maður er á svæðinu, Karen í Odense, Dagný og David Hansen í Köben og Jonathan sænskur vinur minn í Jönköping.. Spurning hversu mikið ég næ að halda mig í Gautaborg að ÆFA? Þetta verður stuð, kem svo heim laust fyrir jól.

That´s for now..

Umrót

Sun, 07 Sep 2008 13:09:19 GMT

Alltaf þegar byrjar að hausta og ágústmánuði hallar, kemur mér eitt lag í hugann; "Summer is gone" með Jet black Joe. Svona hálfþunglyndislegur tónn í laginu sem skyldar manni að gera það upp við sig, að sumarið verður að enda á einhverjum tímapunkti, þetta gæti ekki haldið áfram endalaust. Ég vildi glaður halda í vonina þar sem ég er mikið sumarbarn en Oh well...

Haust er tími nýrra byrjana. Flestir skipta um gír, frá kæruleysislegum sumarfílingnum yfir í að drekkja sig í skólabókum og kúrast í kuldalegu skammdeginu. En þetta er búið að vera gott sumar! Ég er búinn að ná nánast öllu út úr því sem hægt er að hugsa sér. Náði markmiðum mínum í íþróttunum og gott betur en það, ferðaðist um landið okkar í góðum félagsskap, lék mér í góðviðrinu með skemmtilegu fólki, kíkti til eyja, kynntist stúlku ;) og eyddi tíma með fjölskyldunni.

Ég er kominn með brjálaðan metnað í íþróttunum, sem er bara gaman því ég fæ svo mikla útrás í þeim. Síðustu árin hef ég bara verið að dóla mér í blaki og svo í fótbolta með félögunum og er ég þekktur á meðal þeirra fyrir mikið keppnisskap, (eða að vera tapsár, að sumra sögn) Mér finnst ég ekkert vera tapsár en ég er keppnismaður, það er nokkuð víst. Ef fólk er ekki að standa sig þá læt ég þá heyra það óþvegið og þoli ekki að tapa í fótbolta vegna sinnuleysis einhverra í liðinu! - Í frjálsum fæ ég útrás fyrir þessu, ef ég stend mig ekki, þá er ekki við neinn að sakast nema MIG! ...And I can take it.

Ætla að æfa vel í vetur og fer í lok október til Gautaborgar að æfa stangarstökkið hjá þjálfara Gauta, félaga míns úr íþróttunum. Þarna er góður klúbbur og vonandi nær þjálfarinn að taka mig í gegn í tækninni.

Bætti mig vel í sumar, fyrir áhugasama fylgir hér bætingalistinn, það er góð hvatning að gera sér grein fyrir framförum sínum, hvetur mann áfram.

Stangarstökk: Átti best inni 3.92 síðan 2000, stökk í ár yfir 4metra í fyrsta skiptið, og svo 4.05m.

Úti: Átti 3.80 síðan 2000. Jafnaði það í maí, bætti það svo í 4.00, svo 4.10 og 4.20m í júlí. Samtals 5 bætingar í stöng.

Spjót: Kom óvænt inn þar sem ég æfði ekkert fyrir það í vetur. Átti 51.98 síðan í den, en kastaði 58.28 í þraut í maí, bætti það svo viku seinna í 59.15, kastaði ekki meira í sumar. = 2 bætingar.

Tugþraut: Úr 4819 í 5573 stig.

Kringla: Átti 32.20 síðan 2000. Kastaði í þrautinni 36.64 en kastaði svo ekki meira.

Kúla: Bæting úr 10.87 í 11.70

Langstökk: Bæting úr 5.55 í 5.74, svo 6.13 í þrautinni. Jafnaði 6.13 svo á coco-loco móti FH

100m Átti fyrir 13.35 síðan 2000 ;) hljóp á 12.79 svo 12.58 og 12.50 = 3bætingar

200m Átti um 27 eitthvað síðan á sandvellinum í eyjum þegar ég var táningur (By the way, þá vann ég Steinþór í því fræga hlaupi, held ég eina spretthlaupið sem það hefur gerst ;) Hljóp tvisvar í ár, fyrst á 25.49 og svo á 25.34 = 2 bætingar

1500m Átti 5.25 síðan í þraut 2000, hljóp á 5.10,18 í þraut í sumar og fór á tripp!! lá í jörðunni, sá stjörnur og fljúgandi fíla. Ekki alveg mín grein...úff

110m.grind Bætti mig úr 18.83 í 17.90

Þetta gera 19 PB og ein jöfnun síðan í maí og geri aðrir betur! ;) Alls enginn stórárangur í mörgum greinum en bæting er bæting, ekki satt? Setti mér markmið með 4.20m í stönginni í sumar og ég er ánægður með að það hafðist. Annað er bara bónus og gaman að leika sér í.

Norðurlandsleikar

Sat, 23 Aug 2008 00:55:21 GMT

Við skytturnar þrjárskelltum okkur norður í land síðustu helgi að keppa á Norðurlandsleikum,Undirritaður, Nóri og Ingi Rúnar.

Arnór freistaði þess að ná lágmörkum sínum í 100 fyrir Norðurlandamót sem fer fram í september. Ekki keppt í mörgum greinum í karlaflokki, en hey, mót er mót og alltaf gaman af því. Mitt hlutskipti var að hlaupa 100 og 200 ;) Kanski ekki alveg þekktur fyrir frægðarfarir í þeim greinum en sjálfsagt einhverjir sem geta skemmt sér yfir svoleiðis slysum. Jæja, fyrrri dagur mjjög óhagstæður fyrir spretthlaup og Arnór ekkialveg nálægt mörkunum. Rétt fyrir hlaup hafði Bolt sett heimsmet í 100 og voru þeir félagar Arnór og Ingi eiginlega með hugann þar ennþá, þar sem ég kom út úrhlaupinu í 2.5 mótvind með BETRI TÍMA en Ingi Rúnar. Mjög gaman af því !!! Hann kvartaði eitthvað yfir því að þetta væru mistök, en mér til sönnunar þá geta allir fróðleiksfúsir skoðað úrslit á fri.is undir mótaforrit mér til mikillar upphafningar ;) (nema e.t.v. tíminn…)

Dagurinn eftir,sunnudagur var allt annað í gangi. Rjómablíða og léttur meðvindur fyrir 200metrana, þetta leit vel út fyrir pb í 200 en við skulum ekkert vera að fara í óþarfa tímapælingar. Ég bætti mig allavega þar, sem gerði 18 PB í sumar í hinum ýmsugreinum frjálsíþrótta. Arnór átti ágætis hlaup og Ingi Rúnar hélt uppteknum hætti,að vera rétt á undan mér í spretti! Boðið var upp á aukahlaup í 100 sem við þreyttum.Þar var Arnór á 11.14 að mig minnir og Ingi náði hefndum á mér, hljóp á 12.41og ég á slöppum 12.60.
Ingi Rúnar átti gott mótog raðaði verðlaunapeningum á sig í 15-16 ára flokki. Hann er að verða öflugriog öflugri drengurinn með hverju mótinu og ég spái framtíðarafreksmanni í þessumpeyja. Hann hefur sannarlega hausinn í það!
En það sem gerðist eftirkeppnina er það sem situr mest í mér efitir þessa skemmtilegu för. Bara gaman! Úrað ofan og hoppað í vatnsgryfjuna sem var pottþétt kaldari en ísbað Þórðar þjálfaraá skaganum, sem er búið að reka!
Smellt sér í sund og tanaðog verslað pulsur og með því á grillið. Vandamálið var að finna einnota grill ákróknum og eftir dauðaleit var treyst á Blönduós! Keyrum af stað glorhungraðireftir langan dag en nei nei, ekkert grill þar heldur. Keyrðum á tjaldstæðið ogum bæinn til að tékka hvort einhver væri ekki að grilla og við gætum verið með,en allt fyrir ekki. Enginn að grilla í blíðunni. En við sáum eitt gasgrillfyrir framan eitt einbýlishúsið… og við þangað! Með pulsur og pulsubrauð í höndunum,vopnaðir félagslyndi og góða skapinu bönkuðum við upp… ekkert svar og allt slökkt.
… Á þessum tímapunktivorum við orðnir mjööög svangir, horfðum á grillið, horfðum svo á hvorn annanog enginn ákvað eða neitaði… þetta var bara eitthvað svo rétt….
Við kveikjum á grillinuog fleygjum pulsunum á! Með spenning yfir því hvort að fjölskyldan kæmi heimeftir ísrúnt eða eitthvað héldum við okkar sjálfskipuðu grillveislu og hafagrillaðar pulsur aldrei verið betri!
Arnór skildi eftir þakkarmiðavið grillið og græddu þau tómatsósu, sinnep og hálfan poka af steiktum lauk íkjölfarið. Allir sáttir!
4 km fyrir utan Blöndós sprakk dekk og ferðalagið greinilega rétt að byrja.. jæja ekki nánar út í það mál..
Heimleiðin var skemmtileg og alltaf gaman í góðum félagsskap á roadtrippi. Ætla ekkert að fara nánar út í strákaumræðurnar á leiðinni en tek ég þó fram að þær voru MJÖG áhugaverðar og jafnvel smá sjokkerandi. Já, greinilega er ekki allt sem sýnist, jafnvel þegar kemur að saklausum englakroppum eins og mér, Arnóri og Inga Rúnari. ;)
M.Í unglinga er umhelgina. Vona að allir nái sínu besta fram !!!
Gaui.

Rúdólf með rauða trýnið...da ra ra ra ra da ra...

Mon, 11 Aug 2008 01:08:17 GMT

Ég er sólbrunninn!!!

Helgin var tekin með trompi og skellt sér í bústað við Þingvallavatn í góðum félagsskap. Gistum við Þingvallavatn, við Arnór, Sandra og Birna, allt krakkar úr frjálsum. Héldum þetta líka svaka grillmatarfest í gærkvöldi, þar sem var troðið í sig hömmurum og með því, með þetta líka flotta útsýni yfir vatnið. Vöknuðum svo í morgun í kyrrð og ró sveitarinnar og skellt sér út á sólpall að tana þar sem sólin fór á kostum, jafnvel hamförum! Sandra átti kanski ekki eins góðan nætursvefn báðar næturnar eins og við hin þar sem árásargjarnar fiskiflugur lögðu hana í einelti, en Sandra og skordýr yfirleitt eiga ekkert sérstaklega vel saman..

Þaðan lá leiðin út á vatn í gömlum árabát og rennt fyrir fiski, förum ekkert nánar út í aflatölur í þetta skiptið en stelpurnar fundu allavega sinn fjársjóð, silungshaus sem þær skemmtu sér óvenjumikið yfir. Keyrðum af stað í átt að Selfossi, með stoppi á Úlfljótsvatni. Versluðum meiri mat á grillið og grilluðum við Vera-Hvergi og spiluðum kubb þar sem ég og Birna grilluðum Arnóri og Söndru í tvemur settum. Bara gaman helgi, ekkert stress, bara leika, éta og vera til!

Kom frá heimahögunum á miðvikudag, loksins komst ég til eyja, hef ekki farið "heim" síðan um páskana. Stoppaði í viku og náði að hitta gommu af fólki. Meira að segja gömul skólasystkyni sem ég hef ekki hitt í svona 10 ár eða svo, það var mjög gaman. Það er svo mikil snilld að fara til eyja á sumrin, og hvað þá í kringum stærstu helgarnar eins og Goslokahátíð eða Þjóðarann, þá eru svo margir á gömlu heimaslóðunum, fólk sem mar hittir ekki dagsdaglega. Lenti í þessum líka svaka gítarpartýum hjá Ernu Björk vinkonu. Það var bara stofnuð hljómsveit á staðnum, með þremur gíturum, þar sem við bræður og frændurnir, ÁrniÓli og Björgvin Már slóum strengina, Védís spilaði á blásturhljómborð og Ernar á egghristuna. Þvílíka fjörið hef ég ekki verið vitni að í langa tíð. Nokkrir frjálsíþróttastrákar úr Breiðablik voru með seinna kvöldið þannig að það var komið upp rífandi fjör á "hljómsveitaræfinguna" okkar:d Takk fyrir góða tíma allir!

Íþróttirnar ganga vel bara, bætti mig í 100m hlaupi í vikunni á tímanum 12.52 sem er svosem ekkert til að hrósa sér af reyndar, en ég er að vinna í hraðanum hjá mér og gengur bara nokkuð vel. Stefni að því að hlaupa undir 12 sek á næsta sumri, það á eftir að hjálpa mér í stönginni. Stökk 4.00 m í stöng á fimmtudag og rétt felldi 4.13m. Finn samt að ég á nokkuð inni í stöng ennþá. Þarf að koma mér á stífari stangir til að fá meira skot upp. Alla í Breiðablik sá mig stökkva og gaf mér líka góð ráð, þannig að það er alltaf eitthvað til að vinna að sem segir manni að leiðin liggur bara enn meira upp á við og hærra. Þannig að ég ætla að reyna að ná fleiri mótum í sumar. Er núna í 5.sæti árslistans á Íslandi í stönginni með 4.20m og 6.sæti í spjótinu með 59.15 og annar í tugþraut:lol: þannig að þetta er ekki svo slæmt svona stuttu eftir combakk hjá mér. Er bara mjög sáttur með stöðu mála.

Later...

Gaui

Skítt með kerfið...skítt með kerfið!

Tue, 29 Jul 2008 01:43:33 GMT

Lenti í heldur skemmtilegri og áhugaverðri keppni á meistaramótinu um helgina í stangarstökkinu. Það voru 9 menns skráðir í karlakeppnina sem er bara nokkuð góð skráning í stöng og kom ég inn í 4.00 metrunum. Fyndið stökk þar á ferð hjá mér og fór ég í hálfan hring í loftinu á leið yfir ránna og þar til ég lenti á dýnunni, en fór yfir !! Hló mikið að þessu, svo átti ég mjög gott stökk yfir 4.10 metrana og fór þá hæð í fyrstu tilraun líka. Var að fíla mig það vel að ég ákvað að sleppa næstu hæð sem var 4.20m (núverandi PB) og hvíla fyrir nýtt PB upp á 4.30m.

Þegar ég er að gera mig tilbúinn til að keyra á það og er við það að leggja af stað, þá finn ég fyrir höggi á vinstra herðarblaðinu og einhver græn sletta lendir á vinstri hendi minni. Ég hrópa yfir mig "hvað var þetta?" og einhver kona sem stóð nærri svaraði "mávaskítur" .... já já! bara gefið skít í mann í miðri keppni! Ég tók þetta bara sem gæfumerki, svo passaði þessi skítasletta svona líka vel við græna blikabúninginn sem ég skartaði í keppninni. Þannig að ég legg í hann, dritaður og til í hvað sem er...

í stuttu máli, þetta var ekkert gæfumerki þar sem ég felldi 4.30 metrana þrívegis og ekkert nýtt PB í dag.

Gauti félagi minn vann keppnina og stökk 4.40m, Börkur stökk 4.20 og ég endaði óvænt á verðlaunapalli þar sem Bjarki átti ekki gæfulegan dag og felldi byrjunarhæð sína sem var upp á 4.40m. Það var sama bara hjá honum og hjá mér, maður er í þessu til að bæta sig en ekki endilega fyrst og fremst til að henda enn einum verðlaunapeningnum í safnið..

Það gæti farið svo að ég kíki til Svíþjóðar og æfi þar stöngina í styttri tíma í haust. Gauti æfir í Gautaborg og er með góðan þjálfara þar. Það gæti orðið gaman!

Sumarið er rétt að byrja.. vona að allir séu að njóta þess og gera eitthvað af viti við þetta góða veður sem við fáum þessa dagana. Sumarið er líka tíminn til að grilla og ef þú vilt bjóða mér í grillveislu þá er málið að slá á mig!

kveðja

Gaui

Bæting aftur

Mon, 14 Jul 2008 17:17:38 GMT

Mikið svakalega er völlurinn á Laugum fyrir norðan töff. Ekta sveitafílingur og virkilega flottur völlur. Við fimm strákar í Breiðablik brunuðum fyrr á föstudag til að keppa á móti á Laugum áður en við héldum í útileiguna í Varmahlíð. Stangarstökkskeppning var ein sú skemmtilegasta og mesti metakiller sem ég hef lent í á ferlinum. Allir voru að bæta sig nema einn gerði ársbesta.

Bjarki sigraði og setti met í 3 flokkum með stökki upp á 4.68m sem er glæsilegur áragnur hjá honum. Gauti stökk 4.48 í öðru sem er 2cm frá PB og ég var í 3.sæti með PB 4.20m. Þorsteinn í HSÞ stökk 4.08 og Gísli lærlingur setti íslandsmet í sveinaflokki 15-16 ára með 3.92m stökki sínu. Hann átti rosalega tilraun við 4.08 í þriðju tilraun sem hann felldi hárfínt. Ráin dansaði diskólimbó og datt af svakalega seint. Ég hélt hann hefði sloppið með þetta, en það hefði verið í fyrsta skiptið sem hann færi yfir 4 metrana. Jæja, svo nálægt!

Útileigan var grand og RAFTINGIÐ líka. Mæli með Jökulsá eystri.

Ég er kominn með facebook þar sem spacið fór í geimferð. Allt búið að vera í ruglinu þar hjá mér, byrjaði á því að breytast yfir í spænsku og allskyns bull.

Guðjón Kristinn heiti ég Ólafsson, þannig að check it.